Ber­ka­rar döw­le­ti­mi­ziň bag­ty­ýar­lyk döw­rün­de hor­mat­ly Pre­zi­den­ti­miz Gurbanguly Berdimuhamedowyň baş­lan­gy­jy bi­len, ýur­du­my­zyň yk­dy­sa­dy­ýe­ti­niň ba­zar gat­na­şyk­la­ry­na ge­çi­ril­ýän şert­le­rin­de jem­gy­ýet­çi­lik-sy­ýa­sy we döw­let gur­lu­şy­ny kä­mil­leş­dir­mek, ra­ýat jem­gy­ýe­ti­niň ins­ti­tut­la­ry­ny ber­ka­rar et­mek bi­len bag­la­ny­şyk­ly dur­mu­şa ge­çi­ril­ýän dur­muş-yk­dy­sa­dy we de­mok­ra­tik öz­gert­me­ler tä­ze ta­ry­hy eý­ýam­da döw­le­ti­mi­ziň berk hu­kuk we ka­nun­çy­lyk bin­ýa­dy­nyň dö­re­dil­me­gi­ne gö­nük­di­ri­len­dir. Hä­zir­ki dö­wür­de Türk­me­nis­ta­nyň Mej­li­si­niň esa­sy we­zi­pe­si ýur­du­my­zyň mun­dan beý­läk­ki ösü­şi­ni üp­jün ed­ýän dur­muş-yk­dy­sa­dy öz­gert­me­le­ri mil­li ka­nun­çy­lyk­da ber­kit­mek­den, Türk­me­nis­ta­nyň Kons­ti­tu­si­ýa­sy­na hem-de iň go­wy dün­ýä tej­ri­be­si­ne, döw­le­ti­mi­ziň sy­ýa­sy, yk­dy­sa­dy we hu­kuk ul­ga­my­nyň ösüş ugur­la­ry­na la­ýyk gel­ýän ka­nun­la­ry iş­läp taý­ýar­la­mak­dan yba­rat­dyr.

Döw­let­de we jem­gy­ýet­de bo­lup geç­ýän köp­ta­rap­la­ýyn öz­gert­me­le­riň çuň­laş­dy­ryl­ma­gy bi­len bag­la­ny­şyk­ly hem-de ol öz­gert­me­le­riň dur­mu­şa ge­çi­ril­me­gin­de döw­let hä­ki­mi­ýe­ti­niň we­kil­çi­lik­li eda­ra­la­ry­nyň, ýer­li öz-özü­ňi do­lan­dy­ryş eda­ra­la­ry­nyň işi­ni döw­rüň ta­lap­la­ry­na la­ýyk­lyk­da gu­ra­mak, şeý­le hem ýur­du­my­zyň saý­law ka­nun­çy­ly­gy­nyň ka­da­la­ry­ny ber­jaý et­mek mak­sa­dy bi­len, Türk­me­nis­ta­nyň Kons­ti­tu­si­ýa­sy­nyň 81-nji mad­da­sy­na la­ýyk­lyk­da, Türk­me­nis­ta­nyň Mej­li­si karar edýär:

Türk­me­nis­ta­nyň Mej­li­si­niň al­tyn­jy ça­gy­ry­ly­şy­nyň de­pu­tat­la­ry­nyň, we­la­ýat, et­rap we şä­her halk mas­la­hat­la­ry­nyň dör­dün­ji ça­gy­ry­ly­şy­nyň ag­za­la­ry­nyň, Ge­ňeş­le­riň se­ki­zin­ji ça­gy­ry­ly­şy­nyň ag­za­la­ry­nyň saý­law­la­ry­ny 2018-nji ýy­lyň 25-nji mar­ty­na, ýek­şen­be gü­nü­ne bel­le­me­li.

Türk­me­nis­ta­nyň Mej­li­si­niň Baş­ly­gy
A.Nur­ber­di­ýe­wa.

Aş­ga­bat şä­he­ri. 2017-nji ýy­lyň 25-nji no­ýab­ry.